حذف الحساب
تقدر تحذف حسابك في سكوادنا وبياناته نهائيًا بطريقتين:
- من داخل التطبيق: الإعدادات ← الحساب واللغة ← حذف الحساب نهائيًا. ينحذف الحساب على طول.
- بدون التطبيق: أرسل لنا طلب حذف على البريد الإلكتروني squadna.app@gmail.com بعنوان «طلب حذف الحساب»، واكتب فيه اسم المستخدم (@…)، وأرسله من البريد أو رقم الجوال المرتبط بحسابك عشان نتأكد إنه حسابك. نحذف الحساب خلال 30 يومًا بالكثير، ونرد عليك لما يتم.
وش ينحذف
بيانات حسابك وملفك الشخصي، ومنشوراتك وتعليقاتك وصورك ومقاطعك، ورسائلك (والمحادثات اللي كنت طرف فيها)، ومتابعاتك، ونقاطك، وتذاكر الدعم، ومتجرك ومنتجاته. وإذا كنت تملك مجتمعات، انقل ملكيتها لعضو ثاني قبل الحذف، وإلا تنحذف معه.
وش نحتفظ فيه بعد الحذف
نحتفظ بس بالسجلات اللي يلزمنا فيها النظام أو تحمي من التلاعب: موافقات المتاجر على «شروط السوق»، واستخدام الفترات التجريبية وأكواد «برو» (عشان ما تتكرر)، وسجل الإجراءات الإدارية. التفاصيل في سياسة الخصوصية.
حذف الحساب ما يلغي اشتراكك في Apple أو Google، ألغه من إعدادات جوالك.